Niederlage zum Rückrundenstart

FC Niederstetten 2 - FC Wattwil Bunt 3 1:6 (0:2)

📍Rehwiese - Niederstetten
10.04.2022 / 11:00Uhr

Tore: 05. 0:1, 13. 0:2, 47. 0:3 (P), 56. 0:4 (P), 72. 0:5, 78. 0:6, 78. 1:6 F. Waldburger

Zum Rückrundestart empfangen mir de FC Wattwil uf de Rehwiese. Stette het öbis guet z‘mache und möchti unbeding Pünkt hole. Aber dummi Fehler i de Vorwärtsbewegig bringt Stette scho früeh ihn Rückstand. Au wenigi Minute spöter isch wieder en dummä Ballverlust im Ufbauspiel d‘Ursach, dass im Goal vo de Niederstetter scho de nöchst Ball zappelt. Möglichkeite zum Ahschlusstreffer sind do, aber de Ball findet de weg nöd is Goal. Durch Standarts wirds immer wieder gföhrlich, aber Stette bringt de Ball nöd über d’ Torlinie vo Wattwil.

Noch de Pause hend mer scho uf Ostere umgstellt und verteilet Gschenker — Dummi zweikämpf im 16er ergäbet 2 Penalty für de Gegner. Üse Goali isch bim erste zwar machtlos aber bim zweite het er ihn fast gha. Im Ahschluss lauft nünt meh für Stette, de FCW het Platz und chan nomel 2 Goal schüsse. Sehenswert isch no de Ehretreffer vom F. Waldburger, wo us 24 Meter de gegnerischi Goali tüpiert mit ehm Wiitschuss zum Endresultat vo 1:6.

Die nöchst Glägeheit zum Pünkt hole ergitt sich am Fritigobig,29.04.2022, (20:00) uswärts gege dä FC Ebnet-Kappel

Hopp Stette