Schwache Leistung gegen Ebnat

Mer treffed üs wiederum amene Sunntigmorge für eh Heimspiel. Hütt gohts gegä dä...

FC Niederstetten 2 – FC Ebnat-Kappel 2 0:3 (0:1)

Rehwiese - 03.10.2021/11.00 Uhr

Tore: 18. 0:1, 57. 0:2, 61. 0:3

Mer treffed üs wiederum amene Sunntigmorge für eh Heimspiel. Hütt gohts gegä dä FC Ebnat-Kappel, wo sich im Mittelfeld vode Tabelle befindet. D Ebnater startet sehr guet id Partie und sind vo Ahfang ah dominanter mit vielne Abschlüss. Diä logisch Konsequenz drus usse isch s 0:1 nocheme guet gspielte Pass durd Mitte durre. Nochem Rückstand isch Stette präsenter und chund zu 2-3 guete Chance, wo de Sandro Egli hauptsächlich sini Füess im Spiel hett. Leider mömmer ehn schwere Usfall hihneh vo üsäm Goalgetter am Urban T. Diä ganz Mannschaft wünscht ehm eh baldigi Genesig und hofft ehn bald wieder ufem Platz zaubere gseh.

Nochem Pausetee gstaltet sich d Partie recht usgliche und mer hend wieder 1-2 Chance uf dä Usglich, wommer aber nöd verwerte chönd. Leider mönd mer ahschlüssend ehn schnelle Doppelpack vode Ebnater hihneh und somit isch s Spiel bereits früeh ide 61. Minute gloofe. Dä Sandro Egli cha sich no in Szene setze miteme Wembley-Tor. Leider hett dä VAR in Volketswil wiedermol gschlofe und luegt sich diä Szene nöd emol ah - Bittere Pille für Stette. Ide Folg warted beidi Mannschafte uf dä Schlusspfiff und es passiert nüme gross öppis. Somit mue mer dä Ebnater gratuliere für dä verdiente Sieg, au wenn Stette sicher zumindestens ehn Ehretreffer no verdient gha hetti.

Ehn grosse Dank goht wie immer usse ad Margrit am Barwage und an Grillchef Ruedi für ihri Unterstützig. Diä 2. Mannschaft erhofft sich ehn Ufstieg usem Tal bim nöchste Spiel im Necker(tal) am Fritig, 08.10.2021, 20:00 Uhr.

Hopp Stette!