Niederlage gegen den FC Eschenbach

FC Eschenbach 2b - FC Niederstetten 2 6:1 (2:1)

📍 Eschewiese - Eschenbach
18.09.2021 / 16:00Uhr

Tore: 22. 0:1 M. Alkadi, FC E 1:1 2:1 3:1 4:1 5:1 6:1

Hüt gots über de Ricken zum Tabellefüehrer uf Eschenbach. Niederstette wo leider uf viel Personal hett mösse verzichte und Umstellige hett mösse mache isch dadurch no meh motiviert zum hütt de Sieg hei holle. So chund de Alain zu sim Goali Ihstand und au de Mohammed, wo de FC N verloh hett, noch rund 2 Wuche wieder zu sim Comback. Um Punkt 16:00 startet de Match. Stette stoht ganz guet und verschiebt kompakt als Manschaft und loht de Gegner sSpiel mache. De FC E isch sehr überrascht wie d Stette ufspielt und bring kei gföhlichi angriff d’stand. Mit guete Bäll über d’ussebahne bringt Stette ab und zue Gfahr im 16er vo de Gegner anne. Wie au i de 22 Minute als de Chrischi en Ball genau uf de Mohammed flankt und er denn dä Ball im Goal underbringt zum 0:1. Witter kompakt blibe und e gueti Mannschaftsleistig zeige isch jetzt s‘ziel bis zur Pause. De Gegner hett aber achli umgstellt und hett jetzt meh Presenz im Mittelfeld, sodass D’ Stetter no vor de Pause 2 Goal über chömet, wo aber am Spielverlauf nöd grecht sind.

I de 2. Hälfti hett den au de FC E gmerkt ka, dass mer kein top Goali zwüsched de Pfoste hend und schüssed drum meh ufs Goal. Aber au dummi fouls vor em Stroffrum wo immer wieder gföhrlich sind, so chömet mer i de 2. Halbzit 4 Goal über. D’abstimmig im Mittelfeld wie au i de Verteitigung stimmt hine und vorne nümme. Darum schaffts au de Sturm nüme zum Abschlüss ufs Goal bringe. Somit goht de Sieg an Tabellefüehrer us Eschenbach.

Witter gohts am 3.10.2021 am 11:00 Uhr uf de Rehwiese gege de FC Ebnat - Kappel 2 Für Speiss und Trank isch gsorget, üse Barwage hett offe. Mer freued üs uf eui Unterstützig.

Hopp Stette