Startniederlage mit vielen Toren

Endli gohts wieder los mitem erste Pflichtspiel gäge d’Niederwiler. Mer started besser id Partie inne und chönd...

FC Niederstetten 2 – FC Niederwil 2b 4:7 (3:3)

Rehwiese - 22.08.2021/11.00 Uhr

Tore: 5. U. Tremp, 10. 1:1, 18. U. Tremp 2:1, 24. U. Tremp 3:1, 39. 3:2, 42. 3:3, 50. C. Eigenmann 4:3, 67. 4:4, 73. 4:5, 76. 4:6, 84. 4:7

Endli gohts wieder los mitem erste Pflichtspiel gäge d’Niederwiler. Mer started besser id Partie inne und chönd bereits früeh in Füehrig goh. Ehn lange Ball vom Yves chan de Urban T. guet kontrolliere und suuber verwandle. Ahschlüssend glingt de Niederwiler aber de Usglich nocheme Corner, wod Stetter Verteidiger am schlofe sind.

Uf mustergültigem Assist vom Captain schüsst de Urban T. denne sis 2. Goal per Chopf. De Schock nochem 1-1 isch nun verdaut und mer sind die spielbestimmendi Mannschaft. Bereits ide 24. Minute schüsst denne de Urban T. sis dritte Goal und dörf sich über ehn lupereine Hattrick freue. Es goht aber Schlag uf Schlag wiiter und ide Verteidigung stimmt leider d Zueordnig bimene gegnerische Freistoss komplett nöd und somit schüsset d Niederwiler ihres 2. Goal. Kei 3 Minute spöter glingt ehne sogar no de Usglich vor de Pause miteme schnell usgführte Ihwurf.

Ide 50. Minute chan de Chrischi denn d Stetter Füehrig wieder herstelle noch Assist vom Urban T. S Spiel isch ide Folg recht usgliche und wird fair gführt. Üsän Captain, Dä Meier sen., lenkt ide 67. Minute ehn gegnerische Schuess unhaltbar ab für de Willi und nun sind bereits 8 Goal gfalle. Die knapp 40 Zueschauer chönd sich somit nöd über fehlendi Action beklage.

Ide letschte 20 Minute funktionnierts leider nüme und üsi Defensive hett Zerfallserschnige und muess noh 3 Gegegoal hihneh. Gege vorne chönd kei grossi Akzent meh gsetzt werde und somit gönd diä 3 Pünkt hütt ad Gäst us Niederwil.

Mer bedanket üs bi allne Zueschauer und freuet üs bereits jetzt ufs nöchste Spiel am Dunnstig, 26.08.2021, 20:15 gege dä FC Kirchberg.

Hopp Stette!