Happige erste Niederlage der Saison

FC Wil 2 - FC Niederstetten 2

Bergholz – 12.9.2020 / 17:00 Uhr

7:0 (3:0)

Tore: 7‘ 33‘ 35‘ 49‘ 55‘ 70‘ 80‘ FC Wil

Noch em spielfreiewuchenend und 2 Sieg us de letschte 2 Mätch gots hütt gege de FC Wil. Um Punkt 17:00 goht de Match los. Mit em Aubry i de Startelf hett er hütt sis 1. Pflichtspiel für de FCN. Grad vo Afang a wird er in Szene gsetzt und die erste Ahgriff laufet über sini Siite. Leider gits aber nünd bruchbares über die rechti Siite, es fehlt achli ah de Durchschlagschraft. D’Wiler drucktet immer meh und so chunds wie es cho mos de FC Wil got 1:0 in Führig. Mer nähmet das zur Kenntniss und drucktet uf de Usglich, jetzt lauft die best Phase vom Spiel für de FCN. Leider ergitt sich aber trotz Bemühe nünd zählbars drus usse. Jetzt werdet au d Wiler wieder aktiver und schüsset no vor der Halbziit s 2:0 und 3:0.

Los gots i die 2. Halbziit mit em zweite Spieler wo sis 1. Pflichtspiel macht fürd Stetter Kicker, de Mohammed. Mer hend üs vor gnoh nommel alles z’geh um jetzt die 2. Halbzit positiv chönne gestalte. Churz nochem Wiederahpfiff erfolgts 4:0 für dä Gegner. Jetzt isch de Bruch definitiv do gsih und ohni grossi Gegewehr chömet mir no die restliche Goal über und eso gitts schlussendlich eh empfindlichi 7:0 Klatsche für üs.

Jetzt gilts drah de Match abzhocke und s spielfreie Weekend nutze füre Testspiel, sodass mir am 27. September parat sind fürs Spiel gege Kirchberg ide Rehwies.