Weiterer Sieg für die 2. Mannschaft

Sirnach – 28.08.2020 / 20.00 Uhr⠀

0:2 (0:1)

Tore: 20. 0:1 D. Stettler, 65. 0:2 D. Stettler

 

Top motiviert und voller Euphorie sind mir noch üsem letschte Meisterschafssieg uf Sirnach gfahre. Bi liechtem Rege und nasse Platzverhältniss sind mir sehr usgliche mit Sirnach ih die Partie gstartet. Langi Zit isch ih dem Spiel nöd viel passiert, d Partie het sich hauptsächlich im Mittelfeld mit einzelne harmlose Torschüss abgspielt. Wie us em nüt ih de 20. Minute setzt sich üsi Nummere 10 spektakulär imne Laufduell gege zwei Gägner durre und erhöt uf eis zu null für üsen FC Niederstette. Noch dem Goal passiert bis zur Pause nüme viel will Niederstette schön hine use spielt und s Spiel im grosse und ganze im Griff het. ⠀

 

Die zweit halbzit erinneret starch ah di erst und so gohts au öppe im gliche Usmass witer, bis de Dave im gegnerische Strofrum gfoult wird und mir dur da en Penalty zuegsproche übercho hend. De Strofstoss wird suber vo üsem Kapitän und erste Torschütz gad selber verwandlet. Noch dene zwei Gegegoal us Sicht vo Sirnach isch d Luft ih dere Partie dusse gsi und es het eigentlich nur no di blau kleidet Mannschaft us Niederstette gspielt. Dur die 2 Goal ah dem Fritig Obig gwünnt de FCN 0:2 z Sirnach und startet super ih di neu Saison 2020/21. Leider isch üsi super Leistig dur eh schlimmi Verletzug ih de Schlussphase am Roger trüebt worde. Üsi ganz Mannschaft wünschet em gueti besserig und hofft bald wieder mit em Fuessball spiele z chöne!⠀

⠀

Eimol meh bedankemo üs bi üsne treue Zueschauer, wo so guet wie kein match vo üs verpasset und au bi Rege wieder am Spielfeldrand gstande sind und üs tatchräftig understüzt hend, mir schätzed das sehr! En witere Dank goht au an Raphi Oliveira für sini grosszügig Bierspend use. Derfsch wiedermol en Match verschloffe denn aber bitte kai Feldschlössli meh ;). Mir freued üs bereits jetzt ufs nöchste Spiel am Sunntig 10:30 Uhr dehai z Niederstette gege Flowil 3.