Pflicht erfüllt

Bi beschtem Fuessballwetter started dä FCN guet id Partie und goht bereits früeh...

FC Niederstetten 2 – FC Thurbord Alt St. Johann 1 4:1 (1:1)

Rehwiese - 05.09.2021/11.00 Uhr

Tore: 3. U. Tremp, 15. 1:1, 48. U. Tremp 2:1, 64. F. Waldburger 3:1, 90. 4:1 U. Tremp

Bi beschtem Fuessballwetter started dä FCN guet id Partie und goht bereits früeh in Füehrig. Üsän Flitzer am Flügel (Rico.K) cha uf dä rechte Siite devo zieh und flankt ahschlüssend id Mitti ieh. Nocheme lange Gestocher, wod Thurborder dä Ball nöd weg bringet, chan sich de Urban T. über sis 4. Saisongoal freue.

Leider chönd mer ah dä guet Start nöd ahchnüpfe und spielet eh schlechti 1. Halbziit. Vorem 16-er lönd mer dä Thurborder zviel Ruum und so chömets immer wieder zu meh oder weniger gföhrliche Abschlüss. Dä Usglich zum 1:1 isch dementsprechend meh als verdient gsih. Nochem Pausetee funktionierts denn aber besser und s Spieldiktat isch übernoh worde. Wiederum dä Urban T. chan eh 2ti Chiste schüsse und dä Fabrice W. dörf sich über sis 1. Goal ih dere Saison freue.

Dä 2 Tore-Vorsprung wird vode Stetter Mannschaft ide letschte 30 Minute guet verwaltet und d Thurborder chömed nüme zu grosse Chance ide Folg. Ide letschte Minute cha sich üsä Goalie dä Willi no in Szene setze miteme wiite Uskick id Spitze fürre, wo zum 4. Goal führt. Gschossä worde isch dä 4. Treffer vo üsem Torschütz vo Dienst, ehm Urban T. Er hett nun bereits 2 Hattricks ih dere no junge Saison gschosse.

Ehn grosse Dank goht usse ad Thurborder für ihri Leistig ide 3. Halbziit am Barwage/Grill, wo üs sehr gfreut hett. Diä 2. Mannschaft freut sich ufs nöchste Spiel am Sunntig, 12.09.2021, 10:30 uswärts in Wattwil.

Hopp Stette!