Derbyniederlage gegen FC Uzwil 4

FC Uzwil 4 - FC Niederstetten 2 5:3 (2:2)

Flawilerstrasse Uzwil – 4.10.2020 / 11:00Uhr

Tore: 18’ 0:1 P.Holenstein, 20’ 1:1, 32’ 1:2 L.Willener, 40‘ 2:2, 46‘ 2:3 R.Bruhin, 47‘ 3:3, 75‘ 4:3, 80‘ 5:3

Derbytime, mit voller Vorfreud und top motiviert gots hütt gege de FC Uzwil. s’Spiel isch genau so gstartet wie mer sich das vorstelle chan fair aber mit harte Zweikämpf. De FCN isch torgföhrlicher und so gönd mir i de 18. Spielminute in Front. Denn aber leider praktisch im direkte Gegezug schüsset d Uzwiler s 1:1. s’Spiel het jetzt richtig Fahrt ufgnoh. Nochere schöne Kombination über sganze Feld chan de Laurenz de Ball im Goal unterbringe und so stoht es 2:1 für üs. Aber no churz vor de Pause schafft de gegner no de Ahschlusstreffer zum 2:2. Minute spöter pfifft de Schiri die 1. Halbziit ab.


Wenigi Sekunde noch em Start zur zweite Halbziit gits en Freistoss für üs. De Balle chund höch in Strafrum und landet schön bim Reto, wo er de Ball suber im Goal versenkt zum 3:2. Aber es chund wie es scho i de 1Hz. cho isch. Unmittelbar denoch chömed mer s 3:3 über. Im umkämpfte Spiel goht langsam aber sicher Luft usse. Es chömet frischi Spieler noh zumenä Teilihsatz. Underanderem wird de M.Brühwiler igwechslet, es isch sis 1. Pflichtspiel für de FC Niederstettä. De FC Uzwil het jetzt besseri chance und scho schüsset sie no s 4:3 und wenig spöter s 5:3. De FCN cha uf das nüme reagiere und so gits trots emene guete Spiel kei Pünkt. Jetzt gilts spositive us dem Spiel mitzneh und de Match jetzt abhocke.


Nöchst Wuche gots i die nöchst Spielrundi. Es folgt ä Heimspiel uf de Rehwiese (10:30) gege de FC Ebnat-Kappel 2. Mir wönd denn diä empfindlich Derbyniederlage vergesse mache und die nöchste 3 Pünkt uf üsäs Konto bueche.

Hopp Stette