Geglückter Saisonauftakt

Bei bestem Fussballwetter startete die 2. Mannschaft erfolgreich in die neue Saison...

FC Niederstetten 2 — FC Bütschwil 2 3:1 (2:0)

Rehwiese – 23.08.2020 / 10.30 Uhr

Tore: 22. 1:0 R. Allenspach, 35. 2:0 L. Willener, 51. 2:1, 94. 3:1 D. Stettler

Endlich gohts wieder los. Bi bestem Fuessballwetter und knapp 90 Zueschauer started mir topmotiviert bis id Zechäspitze i diä neu Saison. Mit Bütschwil dörfed mir üs mitemä guete Gegner zum Saisonstart messe. Dä Start id Partie glingt us sehr guet und mir hend dä Gegner unter Kontrolle. Dä Remo, üsän Abwehrchef, setzt sich nocheme Eckball wunderbar vo sim Gegespieler ab und trifft herrlich miteme Chopfball zur fällige Füehrig. Ahschlüssend setzt de Laurenz de Goalie guet unter Druck und dörf zum zweite Goal ihnetze. Leider lönd mir üs noch de 2 Tore-Führig usem Konzept werfe vom Gegner und dörfed froh sie, dasses zur Pause no kai Gegegoal geh hett.

Dä Bütschwiler glingt churz noch de Pause dä Ahschlusstreffer und nun isches eh kampfbetonts Spiel uf Augehöchi mit ehm einte oder andere grobe Foul. Mer chönd froh sie, dasses zu keim Platzverwiis cho isch. Üsän Keeper, dä Marcel hebät dä Stetter Vorsprung idä Händ mitehme super Penaltysafe. Idä 70. Minute wird de Roger herrlich vom Dave ahgspielt vorem Goal und verpasst leider sis 1. Goal für üsän FCN haarscharf. Leider hetts dä Pföstä nöd guet mit üs gmeint und d Chistä Bier fürs 1. Goal mue no warte. Idä Nochspielziit verwertet üsän Captain de Dave no souverän ehn umstrittene Penalty.

Ä grosses Dankeschön goht ah diä vielne Fans wo üs go unterstütze cho sind. Mir freued üs bereits jetzt ufs nöchste Spiel am Fritig, 20:00 Uhr uswärts in Sirnach.