, 2. Mannschaft

Knappe Niederlage der 2. Mannschaft in Wattwil

Mit em erste Sieg gege de FC Thurbord Alt St.Johan hend mer wölle hütt nochdopple und die nöchstä Pünkt gege de FC Wattwil - Bunt hole.

FC Wattwil Bunt 3 - FC Niederstetten 2 4:3 (2:1)

📍 Grüenau - Wattwil
12.09.2021 / 10:30Uhr

Tore: 29. 0:1 M.Brühwiler, 39. 1:1 FCW, 42. 2:1 FCW, 52. 2:2 U. Tremp, 64. 3:2 FCW, 77. 3:3 ET FCW, 88. 4:3 FCW

Mit em erste Sieg gege de FC Thurbord Alt St.Johan hend mer wölle hütt nochdopple und die nöchstä Pünkt gege de FC Wattwil - Bunt hole. S’ Spiel isch zimlich usgliche es git längeri Ballbsitzphasene vo beidne Mannschafte. De FCW hett aber diä gförlichere Torchance. Bis sich üse Usseverteidiger de ,,Ruschle‘‘ es Herz fasst und d’Mannschaft mitemä Latteknaller us 25 Meter animiert meh ufs Goal z’schüsse. Stette isch jetzt au im Spiel ahcho. So sind mer jetzt au meh present im 16er vo de Gegner und chönd durch de ,,Mäci“ i de 29 Minute 0:1 ih Füehrig go. Danoch isch Stette scho mit ehm Kopf im Pausetee oder süs wo und chund vor de Pause no 2 Goal über. Kicker vom FCN schenket wieder dummi Goal, wo nöd nötig gsih sind. Irgendwiä isch de Wurm drin und d’ Konstante fehlt.

Da Spiel isch aber nonig entschiede, nommel ahgriffe und das Spiel uf d’ Siegesstross leite, da isch es wo sich d’ Stetter zu Herze gno hend. So chan de Urban T. noch erä herrliche Flanke vom Fabrice dä Usglich erziele. Zum die 3 Pünkt hütt uf Niederstette hei z’neh mönd mer defensiv suber stoh bis zum Schluss, aber mer schaffets nöd und chömet nos 3:2 über. S’Spiel wird ruppiger und es gitt e paar schlimmi Fouls. I de 77 Minute dörf de Fabrice en Freistoss träte, wo vom Gegner is eigene Goal buxiert wird. S’ 3:3 wäri eigendlich e fairs Ergebniss, wenn mer d Leistig vo beidne Teams a lueget. Es sind no 13 Minute zum spiele und dKräft lönd langsam noh und so chan nochem totale BlackOut vom Inneverteidiger de FCW no s Siegesgoal zum 4:3 schüsse. Kurz druff isch s’Spiel verbie. Us FCN sicht e Enttüschig, well mer s‘Ziel vo 3 Pünkt nöd erreicht hett.


Die nöchst Glägeheit zum punkte ergitt sich am Samstig 18.09.2021 (16:00) Usswerts gege dä Tabelleführer FC Eschenbach 2b

Hopp Stette